Kuvendi pritet t’i heqë imunitetin, Berisha ‘live’ nga Facebook: Krim i vërtetë

Kreu i Rithemelimit Sali Berisha është futur live në Facebook e tij nga Kuvendi ku e ka cilësuar krim të vërtetë vendimin e Kuvendit për heqjen e imunitetit dhe arrestimin e tij.

Sipas tij, pushtimi i parlamenetit nga garda tregon për një opozitë të fortë që i ka futur frikën regjimit.

“Deputetët e opozitës i kanë kallur tmerrin mazhorancës, prej shumë javësh parlamenti ka më shumë gardistë se deputetë, ka kaluar në ankushtetutshmëri. Sot pas një vendimi antikushtetues të gjykatës kushtetuese votojnë për heqjen e imunitetit dhe arrestimit të kryetarit të PD duke menduar se në këtë mënyrë do i mbyllin gojën opozitës. Është një akt i shëmtuar, krimi i vërtetë. Kjo dëshmon gjithashtu se në Shqipëri ka një opozitë të fuqishme”, tha Berisha.