“Ky është kurthi i madh pas protestave…”, Manjani: Pse duhet falënderuar opozita

Juristi Ylli Manjani tha se gabimi më i madh që bëhet pas çdo proteste në Shqipëri, është se në vend që të merremi me arsyen se pse u protestua, merremi me opozitën.

Ai tha në “Now me Erla Mëhillin”, në Euronews Albania se në fakt opozita duhet të falënderohet për protestat që bën, pasi sipas ato do duhet të ishin më masive dhe më shumë qytetarë duhet të ngrihen të protestojnë para skandaleve të ndodhura.

“Mendoj se është në kurth i madh, që gjëja e parë që ne gjykojmë pas kësaj ngjarje është gjykimi ndaj opozitës. Ky është kulmi i relativizimit të gjësë. Ne duhet të falenderojmë atë opozitën që me mundësitë që ka, se sot nuk është kollaj të bësh protesta politike, ka bërë diçka. Po çfarë arriti? Çfarë duhet të arrijë, të protestojë pra. Pyetja reale është pse nuk protestojnë masivisht njerëzit?

Këtu kemi një problem moral. kemi një krizë morale të rëndë, të gjithë fshehin kokën. Të gjithë japin mend dhe askush nuk merr përgjegjësi. Minimalisht për t’u distancuar nga e keqja. Thuaje dreqin e fjalës”,-tha Ylli Manjani.

LEXONI GJITHASHTU:

• “I ka kthyer shqiptarët në gogla”, Lapaj: Ja si do i vijë fundi Ramës