“Ky sistem ka marrë fund'”, Ylli Manjani zbulon sfidën që duhet të dinë votuesit më 25 prill

“Partia Demokratike duhet të përformojë shumë fort për zgjedhjet e 25 prillit”. Kështu u shpreh në emisionin “Barometri Politik” në Euronews Albania ish-ministri i Drejtësisë Ylli Manjani.

“Gropa më e madhe politike që ka ndodhur në Shqipëri janë zgjedhjet e 2017. Zgjedhjet e 2017, kanë qenë më jo-përfaqësueset për arsyet e taktikave të palëve. 2017 ka prodhuar një rezultat fake (rremë), dhe jo një rezultat real dhe përfaqësues. Nëse ne marrin si referencë faullin e 2017, atëherë këtu është një shoqëri aksidentesh. Ndoshta skena bipolare ka nevojë për dy parti, duhet parë edhe kjo. Sfida është te PD, ajo do performojë shumë fort. PD duhet përformojë si një parti si në sistem mazhoritar, nëse nuk e arrin këtë, këtu nuk konfirmohet më 2017, po këtu konfirmohet 1944. Kjo është sfida që duhet të mësojnë njerëzit”, tha ai.

Sipas tij, sistemi aktual politik është i kalbur dhe ka marrë fund. Për z. Manjani qytetarët duhet të përballen me një sfidë, e cila sipas tij është si vijon: “Ky sistem politik është i kalbur, ka marrë fund, por ky është dhe s’kemi tjetër. Njerëzit duhet të mësohen me një sfidë tjetër dhe sfida është kjo: do krijojmë një rotacion drejt normalitetit apo do konfirmojmë një pushtet absolut të një njeriu apo dhe një grupi të vetëm”, theksoi ish-ministri.