KZAZ Sarandë tentativë për të bllokuar kandidatin e pavarur Gjergji Mërkuri

Kandidati i Pavarur për Bashkinë Sarandë, Gjergj Mërkuri ka denoncuar atë që ai e quan një përpjekje për të mos e regjistruar në zgjedhjet lokale si i pavarur.

Mërkuri deklaron se ka dorëzuar në KZAZ të gjithë dokumentacion konform ligjit dhe brenda afatave, ku ka siguruar 640 firma qytetarësh nga 480 që është kuota ligjore për kandidimin në këtë bashki.

Në tejkalim të afateve ligjore KZAZ Sarandë nuk ka kthyer ende një përgjigje, shprehet Mërkuri.

Vetë kandidati pohon se firmëtarëve po u bëhet presion nga Partia Socialiste që të tërheqin firmat me qëllim që të mos lejojnë kandidimin e tij si i pavarur, për shkak të reputacionit të mirë që ai gëzon në zonë.