La punën në ministri për atë online, paga nuk plotësonte nevojat

Valbona dhe Enriketa, po konsumojnë kafen e mëngjesit, e ndërkohë po punojnë. Nomadët digjital, pas pandemisë u kthyen në një treg, i cili po ndryshon rrjedhën e të punuarit në një zyrë.

“Puna më e thjeshtë, janë content writing, që konsiston në shkrimin e materialeve, që duan biznese që të shkruajnë një artikull. Mund të kaloj në një nivel tjetër që është copy writing që është shkrimet bindësve,” – tregoi ekspertja e marketingut, Valbona Brahaj.

Enriketa mbaroi shkollën për juridik, po rezultoi se puna me 8 orare, nuk ishte efikase, as të ardhurat nuk plotësonin nevojat e saj. Ju desh të punonte online, punë si social media menager, derisa krijoi të ardhurat e duhura për të ngritur biznesin e saj, po online.

“Juridiku ishte diçka që e kisha me shumë pasion. E vazhdova, fitova shkollën, u punësova, fitova një kontratë një-vjeçare në ministri. Për shkak si shumë persona ose studentë si puna ime që nuk i përmbush qëllimet tuaja rroga që ti merr, u detyrova që të shikoja diçka tjetër opsionale. Kam hapur një biznesin tim online, është 5-fishi krahasuar me rrogat në Shqipëri,” – tregoi ajo.

Në fazën kur aplikimet për në universitete janë ende të hapura, degët e teknologjisë janë disa nga më të preferuarat e të rinjve. Deri më tani kuotat për këto degë, janë thuajse të plotësua.

“Kanë qenë raste që nuk e kanë vijuar universitetin dhe janë zhvendosur tek puna online, kjo mund të ketë ardhur për shkak të problematikave ekonomike që kanë, të nxitur nga nevoja për të gjeneruar të ardhura sa më shpejt,” – sqaroi Brahaj.

Sot tregu i punësimit online, të ofron një gamë të gjerë shërbimesh. Valbona, ka arritur të sigurojë punën e saj kryesisht në tregun amerikan, ku paga më e ulët mund të shkojë në 300 euro për kompani.