Lajçak në Prishtinë, diskutohet draft-statuti i asociacionit të komunave serbe

Miroslav Lajçak, i dërguari i posaçëm i Bashkimit Evropian për dialog mes Kosovës dhe Serbisë, do të mbërrijë sot pasdite në Prishtinë.

Lajçak do të takohet me krerët e shtetit të Kosovës për të diskutuar për draft-statutin e Asociacionit të komunave me shumicë serbe.

Mësohet se i dërguari i BE-së fillimisht do të takohet me kryeministrin e Kosovës, Albin Kurti dhe zëvendëskryeministrin, Besnik Bislimi. Pjesë e axhendës janë dhe takime me përfaqësuesit e opozitës në Kosovë.

Vizita në Prishtinë zhvillohet pas takimeve të fundit në Bruksel më 26 tetor, ku Kurti dhe presidenti i Serbisë, Aleksandër Vuçiç, u takuan ndaras me liderët e Gjermanisë, Francës dhe Italisë, si dhe zyrtarë të tjerë të BE-së.

LEXONI GJITHASHTU:

• SHBA sanksionon ish-zyrtarin e Ministrisë së Tregtisë në Kosovë
• Kurti jep vlerësimin për draftin e Asocacionit: Pa qëllim minues për Republikën