Lajçak pas Kosovës shkon në Serbi, do takohet me Vuçiç

I deleguari i Bashkimit Evropian për dialogun, Miroslav Lajçak, pas qëndrimit në Kosovë, sot do të udhëtojë për në Serbi, ku do të takohet me presidentin e Serbisë, Aleksandër Vuçiç, takim që do të zhvillohet pasdite.

Gjatë qëndrimit në Prishtinë zyrtari I lartë I BE u takua me zëvendëskryeministrin e Kosovës për Integrim Evropian, Besnik Bislimi, njëherësh shef i ekipit negociator për dialogun.

Lajçak, ka bërë të ditur se i është kërkuar të vazhdojë punën si ndërmjetësues i dialogut Kosovë – Serbi deri në momentin kur do të nis punën si ambasadori i Unionit në Zvicër. Diplomati sllovak pritet të nis mandatin në kryeqytetin zviceran,  më 1 shtator.

LEXONI GJITHASHTU:

• Normalizimi i marrëdhënieve Kosovë-Serbi, Lajçak do të takojë Bislimin në Prishtinë
• Dështon takimi për dinarin, Lajçak: I gatshëm t’i pres palët sërish