Shumë fermerë në zonën fushore Bujqës -Jagodinë në Elbasan, janë të vetëpunësuar në serat e tyre.
Në ketë periudhë e kanë orientuar prodhimin tek lakra e Brukselit e cila është mjaft e kërkuar nga tregu i huaj. Familja e Shëfqet Molit, ashtu si shumë familje të tjera në këtë zonë problem kanë çmimin, pasi sipas tyre nuk nxjerrin dot as shpenzimet.
“Situata është shumë e keqe. Kjo bimë do rreth 4 muaj që të dalë për treg, dhe kur vjen momenti që të dalë në treg kjo çmim nuk ka. Ne edhe vjet ishte rastësi që një pjesë u kap me 50 lekë, unë vete e kam shitur me 35 lekë”, thotë një fermer.
Bujqësia është sektor prioritar në Jagodinë. Nga 172 hektarë tokë, 80 hektarë janë vetëm me sera. Mirëpo fuqia punëtore mbetet problem edhe këtu.
Mbi 3 mijë tonë lakër Brukseli eksportohet çdo vit nga zona bujqësore Jagodinë.
LEXONI GJITHASHTU:
- Molla, karota dhe lakra nuk kanë treg
- Festa e lakrorit në Korçë, specialiteti i kuzhinës bën bashkë turistët e vendas
