Lando Norris shpallet kampion i Formula 1, britaniku fiton titullin e parë botëror

Për herë të parë në karrierën e tij, Lando Norris ia ka dalë të fitojë Botërorin e Formula 1, duke i dhënë trofeun McLaren, që po ashtu e mbylli në krye garën sa i përket skuderive.

Një sukses i padiskutueshëm ky për britanikun dhe skuadrën e tij, që mposhtën një rival direkt si Red Bull dhe Max Verstappen, i cili në garën për pilotët e mbylli i dyti, me vetëm 2 pikë më pak se kampioni i ri i botës.

Gara e fundit, ajo e Abu Dhabit, vendosi gjithçka; edhe pse u rendit i treti, Norris kishte pikët e mjaftueshme për ta mbyllur i pari këtë rrugëtim mbresëlënës.

Dominues që në javët e para dhe deri në fund, më se e merituar për 26-vjeçarin e lindur në Bristol. Norris është shpallur fitues në 7 gara përgjatë sezonit, ndërsa është ngjitur në podium 18 herë, më tepër se kushdo në këtë edicion.

Sa i përket renditjes përfundimtare, Norris udhëheq, i ndjekur nga Verstappen, Piastri, Russell dhe Leclerc, që mbyllin 5 vendet e para.

Në garën për skuderitë, kryeson McLaren, i ndjekur nga Mercedes, Red Bull, Ferrari e Williams.