Lapaj nuk përjashton mundësinë për t’u futur në politikë

Avokati Adriatik Lapaj, në studion e Euronews Albania, nuk ka përjashtuar mundësinë për t’iu futur politikës.

Teksa u pyet se nëse i është propozuar ndonjëherë për të qenë pjesë e politikës, Lapaj tha se këtë gjë nuk e ka bërë pasi ka dashur t’i shërbejë opozitës.

“Nuk e kam bërë se kam t’i shërbejë një kohezioni opozitar për të mos krijuar përçarje  të mëtejshme, pra për t’i dhënë  një mundësi që  këta të kuptojnë dhe të hapen ndaj vlerave. Hapja do të krijojë bashkim. Jam munduar të tregohem një njeri që nuk ka ego personale.

Unë po e ndava mendjen nuk pyes asnjë nga këta. Po zbrita unë në skenë…kaq di të them. Po e ndava mendjen kandidoj, por puna është që ata të reflektojnë. Këtu është marrë çdo gjë peng. Nuk mundet që një familje të mos ketë asnjë njeri në shtet ndërkohë që një fis i tërë të jetë i punësuar”- tha Lapaj.

LEXONI GJITHASHTU: 

• Sezoni turistik, Kumbaro: Shtohet kufiri minimal i plazheve publike për bashkitë
• Ibrahimaj tregon detaje nga mbledhja e Këshillit të Sigurisë për sulmet kibernetike