Largimi i Ahmetaj, Avokati: Rëndon pozitat e tij penale, dënimi më i lartë

Avokati Besart Logo ishte i ftuar këtë të mërkurë në Euronews Albania ku foli në lidhje me kërkesën e SPAK drejtuar Kuvendit për arrestimin e ish-zv. kryeministrit Arben Ahmetaj.

Logu tha se largimi i Arben Ahmetaj rëndon pozitën e tij penale përballë ligjit. Ai shtoi se refuzimi i përballjes me drejtësinë do të të reflektojë në dënimin përfundimtar, i cili do të jetë më i lartë.

“Largimi i zotit Ahmetaj përkon me të njëjtën datë dhe ditë, 7 korrik, kur SPAK ka dorëzuar në Kuvend kërkesën për dhënien e autorizimit për arrestimin e tij.

Po t’i referohemi regullores së Kuvendit, në momentin që dorëzohet kërkesa në Kryesinë e Kuvendit që sjell dhe mbledhje e Këshillit të Mandateve, një kopje e kërkesës dhe provave i çohet deputetit në fjalë, që t’i jepet mundësia e mbrojtjes. Ta largojmë dhe këtë pjesën e dekonspirimit që doli nga SPAk, mos ta bëjmë pis SPAK-un dhe të jemi sa më objektivë.

Zgjedhja për të ikur mund të jetë bërë duke u konsultuar dhe me avokatët. Largimi nuk i shërben pozitave të tij penale. Nëse Ahmetaj do të vijojë të qëndrojë jashtë Republikës së Shqipërisë, në dhënien e vendimit përfundimtar është një masë rënduese që do të refletojë në dënimin përfundimtar që do t’i jepet”, tha Logu.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU: 

• VOA: Ahmetaj u largua pak orë para kërkesës për arrestim, sinjali i fundit Kanadaja
• Spahiu: Vendet ku mund të ketë shkuar Arben Ahmetaj për të marrë azil politik