“Lavjerrësi politik po anon nga Serbia”, analisti tregon pozicionin e Kurtit

Një numër qytetarësh kanë protestuar sot në sheshin e Prishtinës kundër formimit të asociacionit të komunave me shumicë serbe.

Ata kanë kërkuar nga ndërkombëtarët që të rishikojnë qëndrimet e tyre karshi kësaj kërkese ndaj Kosovës. “Në emër të popullit shqiptar kundër asociacionit me shumicë serbe”, thuhej në njërën nga pankartat.

Analisti Sadi Ramabaja, i cili ishte njëri nga pjesëmarrësit në këtë protestë, tha në një intervistë për Euronews Albania se pozicioni i Kurtit nuk është më i favorshmi i mundshmi, pasi faktori ndërkombëtar haptazi në këtë moment po mban anën e Serbisë.

“Për fat të keq lavjerrësi i gjeopolitikës ka anuar nga Serbia kësaj radhe, sepse fjala është për tërheqjen e Serbisë në pozicionin perëndimor. Serbia deri tani ka dëshmuar se është një nga aleatët kryesorë të Putinit në Evropën juglindore, kohët e fundit ka nisur të ndryshojë duke nxjerrë në tavolinë disa kushte mes të cilave asociacioni”,  tha Ramabaja.

LEXONI GJITHASHTU:

• Përfundon takimi për Asociacionin në ambasadën e SHBA-ve, reagon Jeffrey Hovenier
• Çfarë parashikon Asociacioni?