Lavrov: Forcat tona do godasim instruktorët ushtarakë francezë në Ukrainë

Ministri i Jashtëm rus Sergei Lavrov ka thënë se Moska është përgatitur të shënjestrojë instruktorët ushtarakë francezë të cilët po operojnë në Ukrainë.

Duke folur në një konferencë të përbashkët shtypi me homologun e tij në Republikën e Kongos, Lavrov tha se kishte “arsye të besonte” se instruktorët e huaj “tashmë po punonin” në Ukrainë.

Deklarata e Lavrov vjen pasi komandanti i lartë ukrainas Oleksandr Syrskyi tha javën e kaluar se ai kishte nënshkruar dokumentet që lejonin instruktorët ushtarakë francezë të vizitonin qendrat e trajnimit ukrainas.

“Pavarësisht nëse janë anëtarë të Forcave të Armatosura Franceze apo thjesht mercenarë, ata përfaqësojnë një objektiv absolutisht legjitim për forcat tona të armatosura”, tha ai.

Zëdhënësi i Kremlinit, Dmitry Peskov, ka thënë gjithashtu se kushdo që trajnon trupat ukrainase nuk “ka asnjë lloj imuniteti dhe nuk ka rëndësi nëse ata janë francezë apo jo”.

Zyra e presidentit francez Emmanuel Macron refuzoi të komentonte komentet e ministrit të Jashtëm Lavrov.

LEXONI GJITHASHTU:

• Ukraina në terr, Rusia godet infrastrukturën elektrike
• Putin përballet me protesta, Kievi qëllon armën e parë amerikane brenda Rusisë