Deputetja Oriela Nebiaj ishte këtë të mërkurë në “Barometri” në Euronews Albania ku ka komentuar faktorët që ndikojnë votimet në Shqipëri.
Ajo tha se partitë e vjetra dhe lideri kanë punuar pikërisht që në votime të ketë ndikim gjithmonë, programi, shpërblimet, familja ndonëse sipas sondazhit të “Barometrit” ndikimin më të madh e ka emri i partisë.
Megjithatë Nebiaj tha të rinjtë në përgjithësi mund ti dalin kundër edhe nëse kanë shpërblim, ndikim nga familja apo nga programi, sipas saj ndonëse janë të pakët në numër ata mund të sjellin një ndryshim në votime.
“Të rinjtë që shkollohen sot, ndoshta këta të Tiranës, guxojnë ti dalin kundër familjes edhe kur të gjitha këto i kanë të përfshira”,-tha Ori Nebiaj.
Gazetari Florian Muçaj tha se votat e të rinjve shkojnë kryesisht te partitë populiste. Kësaj Nebiaj ju përgjigj se për të është më mirë të ketë alternativa.
“Për mua le të shpërndahet vota në 5000 copa”,-tha Nebiaj.
LEXONI GJITHASHTU:
- Pas 34 vitesh rezistencë: Kulluri parashikon rënien e fuqisë së liderëve në zgjedhje
- Demokracia në krizë? Kikia:Votuesit ndjekin verbërisht logon dhe liderin!
