“Leart Haxhiu planifikoi ta ekzekutonte”, merret në mbrojtje prokurorja e SPAK

Merret në mbrojte prokurorja SPAK Doloreza Musabelliu, pas dëshmisë së Artan Tafanit se Leart Haxhiu, po planifikonte t’i bënte atentat.

Burime për Euronews Albania, bëjnë me dije se kreu i SPAK Altin Dumani  i ka kërkuar Drejtorit të Përgjithshëm të marrë masa shtesë për mbrojtjen e prokurores dhe familjes së saj.

Gjithashtu në cilësinë e Drejtuesit, Dumani ka njoftuar kryetarin e Këshillit të Lartë të Prokurorisë.

Pak më parë gazetari Eni Ferhati, tha se Musabelliu po merret me çështjen e ekstradimit të Haxhiur ndërsa shtoi se zyrtarja e drejtësisë ka dënuar me burgim të përjetshëm dy bashkëpunëtorët e Haxhisë të përfshirë në masakrën e Lushnjes.

Dëshmia  e Artan Tafanit i përfshirë në disa vrasje dhe shpërthime me eksplozivë, ka çuar në zbardhjen e disa atentateve dhe lëshimin e 15 urdhër-arresteve mes të cilave 12 janë ekzekutuar.

Tafani ka ‘tradhtuar’ dhe bashkëpunëtorin e tij në krim Leart Haxhinë dhe grupin e tij.

Haxhia aktualisht ndodhet i arrestuar në Greqi ndërsa pritet vendimi i Gjykatës greke për ekstradimin e tij në vendin tonë.

LEXONI GJITHASHTU: 

• Rrjedhja e gazit në Shkozë, në pranga 3 persona, mes tyre administratori i subjektit
• Dëshmia e Tafanit/ Gazetari: Haxhiu po planifikonte të ekzekutonte prokuroren e SPAK