Gazetari Eni Ferhati i ftuar në Euronews Albania, ka zbardhur detaje të dëshmisë së Artan Tafanit, të penduarit të drejtësisë që çoi në zbardhjen e disa vrasjeve.
Tafani sipas Ferhatit ka dëshmuar se Leart Haxhia po planifikonte të ekzekutonte Doloreza Musabelliu, prokurorja e SPAK që kërkon ekstradimin e Haxhisë nga Greqia dhe dënoi me burgim të përjetshëm dy bashkëpunëtorët shumë të ngushtë të tij të përfshirë në masakrën e Lushnjes.
“Artan Tafani ishte një përdorues i heroinës. Ai ka kërkuar që t’i jepet metadon për shkak se gjatë kohës që ishte në paraburgim nuk kishte mundësi që të konsumonte drogë. Është kryer një procedurë e tillë. Pjesa më shqetësuese e Artan Tafanit ka qenë kur ky ka treguar se Lart Haxhiu po tentonte që të kryente atentate dhe ndaj funksionarëve të lartë të drejtësisë. Sipas informacioneve Tafani ka tregua se Haxhia ka kërkuar nga grupi i tij që të siguronin informacione për funksionarë të lartë, prokurore në SPAK Doloreza Musabelliu, prokurorja që kërkon ekstradimin e Haxhisë dhe është prokurorja që ka dënuar dy bashkëpunëtorë shumë të ngushtë të Laert Haxhisë, lidhur me masakrën e Lushnjes. Tafani është shprehur se Haxhiu po planifikonte të ekzekutonte prokuroren e SPAK”-tha ai.
LEXONI GJITHASHTU:
- Rrjedhja e gazit në Shkozë, në pranga 3 persona, mes tyre administratori i subjektit
- Sulm me bombë para Ministrisë së Brendshme në Turqi, plagosen 2 policë
