Legalizimi i lojërave të fatit online solli në arkën e Holandës 1 miliard euro

Legalizimi i lojërave të fatit në internet në Holandë ka dyfishuar të ardhurat e shtetit nga lojërat e fatit në pothuajse një miliard euro, sipas një raporti të Statistikave Qendrore të Holandës (CBS).

Siç raportohet nga NL Times, nga vjeshta e vitit 2021, holandezët mund të luajnë kumar online në faqet e licencuara të kazinove online, gjë që ka çuar në një rritje të jashtëzakonshme të këtij tregu.

Autoriteti Holandez i Lojërave njoftoi se çdo banor i njëzetë i vendit luajti kumar online në një nga faqet ligjore vitin e kaluar.

Në të njëjtën kohë, Holanda rriti taksën e lojërave të fatit, kështu që të ardhurat u rritën në 900 milionë euro në vitin 2022.

Të ardhurat e qeverisë nga shitja e lejeve të emetimit të dioksidit të karbonit janë rritur gjithashtu, pasi çmimet e këtyre lejeve janë rritur ndjeshëm, sipas CBS.

Të ardhurat nga taksat e lojërave të fatit dhe të drejtat e emetimit të dioksidit të karbonit përfaqësojnë vetëm një pjesë të vogël të të ardhurave totale të Holandës.

Në vitin 2022, ky vend fitoi gati 370 miliardë euro nga taksat dhe kontributet e sigurimeve shoqërore, përfundoi Zyra Qendrore e Statistikave të Holandës.

LEXONI GJITHASHTU:

• Turqia thërret diplomatët danez dhe holandez për shkak të djegieve të Kuranit
• SHBA miraton dërgimin e aeroplanëve F-16 në Ukrainë përmes Danimarkës dhe Holandës