Lejoi botoksin e stomakut, në gjyq drejtuesja e Spitalit Memoral në Fier

Prokuroria e Fierit ka mbyllur hetimet dhe ka dërguar në gjyq drejtoren e përgjithshme të Spitalit Memorial në Fier nën akuzën për ‘Shpërdorim detyre’

R.D., me detyrë drejtor i përgjithshëm pranë Spitalit Memorial Fier, akuzohet për veprën penale të “Shpërdorimit të detyrës”, të parashikuar nga neni 248 i K.Penal.

“Nga hetimet është provuar se e pandehura në kundërshtim me aktet ligjore dhe nënligjore në fuqi dhe në mungesë të miratimit nga Ministria e Shëndetësisë, ka lejuar kryerjen e paligjshme të procedurës së botoksit të stomakut te pacientët në këtë spital publik, nëpërmjet aplikimit në organizimin e brendshëm të pacientëve, të preparateve mjekësore të botoksit të stomakut që nuk janë blerë nga vetë spitali me procedura të ligjshme të prokurimit publik, por janë gjetur në rrugë jashtë-spitalore për të cilat pacientët kanë bërë pagesat e tyre. Mungesa e kryerjes së procedurave të ligjshme të prokurimit publik, ka sjellë mungesën e verifikimit në këtë spital të dokumentacionit përkatës lidhur me verifikimin e datës së skadencës dhe vendit të origjinës së preparateve, duke sjellë kryerjen e kësaj procedure jashtë çdo lloj standardi ligjor dhe teknik te pacientët, duke mbartur rrezik serioz për jetën dhe shëndetin e tyre, si dhe duke dëmtuar interesat dhe imazhin e një institucioni shëndetësor publik”, bën me dije prokuroria e Fierit.

LEXONI GJITHASHTU:

• Beleri transferohet në Durrës, lë mjediset e spitalit të burgut
• Ryshfet 1 milion lekë për pensionin e invalidit, arrestohet punonjësi i spitalit