Një pnonjës i policisë në Portin e Durrësit është arrestuar me vendim gjykate për “Shpërdorim Detyre”.
Agjencia e Mbikqyrjes Policore bën me dije se shtetasi B. XH., 37 vjeç, me detyrë Kontrollor në Stacionin e Policisë në Port, ka lejuar të kalojë kontrollet një person që dispononte dy pistoleta.
Shtetasi i armatosur u ndalua në pikën Kufitare të Barit nga pala italiane, pasi zbriti nga trageti i udhëtarëve.
Hetimet vazhdojnë për përfshirje të punonjësve të tjerë të policisë në këtë veprimtari kriminale.
“Agjencia e Mbikëqyrjes Policore (Rajoni Durrës-Kavajë) ka ekzekutuar Urdhërin e Prokurorisë për zbatimin e vendimit të Gjykatës së Shkallës së Parë të Juridiksionit të Përgjithshëm Durrës, e cila ka vendosur masën shtrënguese “Arrest në burg” për punonjësin e policisë Inspektor B. XH., 37 vjeç, me detyrë Kontrollor në Stacionin e Policisë P.K.K. Port Durrës, i dyshuar për kryerjen e veprës penale “Shpërdorimi i detyrës”.
Nga hetimet e kryera nga Agjencia e Mbikëqyrjes Policore, u dokumentua me prova se ky punonjës policie ka shmangur në mënyrë të qëllimshme kontrollin e mjetit tip Bizarke me drejtues shtetasin E. U., 45 vjeç, i cili ka udhëtuar me linjën Durres-Bari dhe sapo ka zbritur në Bari, gjatë kontrollit i janë gjetur 2 armë zjarri të tipit pistoletë”, njofton AMP.
LEXONI GJITHASHTU:
- Sherr me thika dhe shkopinj druri mes adoleshentëve në Elbasan, një i plagosur
- Theu “arrestin e shtëpisë” dhe plagosi 27-vjeçarin në Velipojë, identifikohet autori
