Sherr me thika dhe shkopinj druri mes adoleshentëve në Elbasan, një i plagosur

Një 17-vjeçar ka rënë në prangat e policisë së Elbasanit pasi qëlloi me thikë një 16-vjeçar.

17-vjeçari u përfshi në një konflikt të dhunshëm me dy adoleshentë të tjerë të moshës 16 dhe 14 vjeç.

Pasi këta të fundit e goditën me sende të forta, 17-vjeçari ka nxjerrë armën e ftohtë dhe ka plagosur lehtë njërin prej tyre. Policia bën me dije se në gjendje të lirë u proceduan dhe 14-vjeçari me 16-vjeçari, ndërkohë që materiale  në ngarkim të të treve i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

“Menjëherë pas marrjes së njoftimit, rreth orës 20:30, të datës 02.04.2024, për një konflikt ndërmjet disa adoleshentëve, në lagjen “Syrja Dylgjeri”, shërbimet e Komisariatit të Policisë Elbasan dhe ato të Forcës së Posaçme “Shqiponja” kanë shkuar menjëherë në vendngjarje, për të sqaruar rrethanat e rastit dhe për të nxjerrë përpara përgjegjësisë penale, përgjegjësit.

Si rezultat i veprimeve të shpejta policore, u bë i mundur parandalimi i përshkallëzimit të këtij konflikti dhe arrestimi i një 17-vjeçari të përfshirë në të. Gjithashtu, u referuan materialet në Prokurori, ku nisi procedimi në gjendje të lirë për 2 të mitur 14 dhe 16 vjeç, po ashtu të implikuar në konflikt.

Nga hetimet e deritanishme dyshohet se gjatë një konflikti për motive të dobëta, 17-vjeçari i arrestuar ka dëmtuar lehtë me mjet prerës (thikë) 16-vjeçarin dhe ka dhunuar fizikisht 14-vjeçarin, ndërsa këta të fundit e kanë goditur atë, me send të fortë (shkop prej druri)”, thuhet në njoftimin e policisë.

LEXONI GJITHASHTU:

• Vrasja e 18-vjeçarit, gazetarja: Shkak 1 vajzë, e lidhur më parë me shokun e autorit
• Vrasja e 18-vjeçarit në Tiranë, arrestohen autorët e dyshuar! Del foto e viktimës