Vrasja e 18-vjeçarit në Tiranë, arrestohen autorët e dyshuar! Del foto e viktimës

Policia ka arrestuar 4 autorët e dyshuar të vrasjes së 18-vjeçarit Aurelio Dervishi mbrëmjen e djeshme në Tiranë, pas një sherri me thika mes të rinjsh.

18-vjeçari u plagos rëndë gjatë sherrit të ndodhur në zonën e Shkozës dhe ndërroi jetë rrugës për në spital.

Ndërkohë Euronews Albania ka siguruar edhe fotografinë e viktimës.

Njoftimi i Policisë:

Tiranë-Identifikohen dhe shoqërohen në ambientet e Policisë, 4 autorët e dyshuar të ngjarjes së ndodhur mbrëmjen e djeshme, në Shkozë.

Në vijim të informacionit paraprak të dhënë mbrëmjen e djeshme, për një konflikt të çastit me mjete prerëse mes disa personave, ku si pasojë e dëmtimeve të marra ka humbur jetën shtetasi A. D., 18 vjeç, ju informojmë se:

Janë identifikuar, kapur dhe shoqëruar në ambientet e Policisë shtetasit F. Sh., 20 vjeç, dhe tre të mitur të moshës 16 vjeç, 16 vjeç, një 15 vjeç, dhe po punohet per dokumentimin e plotë të ngjarjes.

Nga veprimet paraprake hetimore të kryera ka rezultuar se këta shtetas mbrëmjen e djeshme, duke qarkulluar me automjet, janë konfliktuar per motive të dobëta me shtetasit që ndodheshin në automjet me 18-vjeçarin. Më pas konflikti ka agravuar me mjete prerëse, ku është goditur me thikë 18-vjeçari, i cili si pasojë e dëmtimeve, ka ndërruar jetë rrugës për në spital.

Materialet do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

LEXONI GJITHASHTU:

• EMRI| Sherr me thika mes të rinjve në Tiranë, 1 i vdekur
• Të shtëna me armë në Prishtinë, një i vdekur dhe një i plagosur