Lëkundje tërmeti në Itali, sa ishte magnituda

Një tërmet me magnitudë 4.8 i shkallës Rihter ka goditur mëngjesin e së hënës komunën e Maradit, në provincën e Firences, njoftoi Instituti Kombëtar Italian i Gjeofizikës dhe Vullkanologjisë (INGV).

Epiqendra e tërmetit ishte tre kilometra në jugperëndim të Maradit, njoftoi agjencia italiane Ansa. Më herët, Shërbimi Gjeologjik i SHBA-së (USGS) njoftoi se tërmeti ka qenë me magnitudë 5.1 ballë.

Tërmeti është regjistruar në një thellësi prej dhjetë kilometrash dhe u pasua nga pasgoditje.

Shërbimi Italian i Zjarrfikësve njoftoi se kanë marrë telefonata nga banorë të shqetësuar të zonës së prekur, por se nuk ka raportime për dëme apo viktima të mundshme, raportoi AP.

Kryetari i bashkisë së Maradit, Tommaso Triberti, tha se nuk ka raportime për dëme, por se të gjitha shkollat ​​janë mbyllur si masë paraprake.

Agjencia vuri në dukje se zona konsiderohet në rrezik të lartë për tërmete, duke përmendur në veçanti atë në vitin 1919 që goditi Mugello, i cili ishte një nga më të fortët që goditi Italinë në shekullin e 20-të.

LEXONI GJITHASHTU:

• Të paktën 50 mijë shtëpi të shembura nga tërmeti në Marok
• Shkon në 2900 numri i viktimave nga tërmeti në Marok, mbi 5500 të plagosur