Leonard Olli: PS është rritur me 12% në mars, ja çfarë ka ndikuar

Gazetari Leronard Olli tha për “Barometri” se për një muaj Partia Socialiste është rritur me 12%. Ai tha se kjo rritje e papritur nuk ka ardhur për shkak të zhvillimeve ekonomike apo politike, por për një arsye tjetër. Sipas tij në këtë rritje ka ndikuar diçka tjetër.

“Jemi në 47% në shkurt dhe papritur kalojmë në 59, pra janë 12%, kjo do të thotë që ka ndodhur diçka që opinioni publik e ka perceptuar dhe kjo nuk ka qenë as në zhvillimin ekonomik , nuk ka qenë as në shtetin ligjor dhe as në çështjet e rendit dhe të sigurisë.

Ka një ‘non sens’ të themi të drejtën, situatat kanë qenë shumë dramatike dhe kemi pasur probleme shumë të rënda sa i takon rendit dhe sigurisë që kanë një ndjeshmëri shumë të madhe në Shqipëri.

Kjo situatë nuk korrespondon me ngritjen e shifrave, ndaj them se implikimi mediatik, mënyra e tyre për të paraqitur lëvizjet e zotit Rama, kanë krijuar një pseudo dhe shfaqet në mars, e cila vjen dhe kishte filluar biseda dhe thirrjet që bizneset të rritnin rrogat që njerëzit të mos iknin nga Shqipëria, të gjitha këto krijuan një ndjesi te qytetarët”,-tha Leonard Olli për Euronews Albania.

LEXONI GJITHASHTU:

• Rama, Berisha, Meta apo Alibeaj? Kë pëlqejnë më shumë shqiptarët
• Nxehet debati për Kukësin: Ju ka kapur frika se do të humbisni, të humburit jeni ju