Lëshohet viza e parë amerikane me afat 10-vjeçar

Nga sot (1 prill 2022), vlefshmëria e vizave turistike apo për biznes që shqiptarët do të marrin për në SHBA do të ketë vlefshmëri 10-vjeçare.

Vendimi u bëri i ditur më 28 mars nga ambasada amerikane në Tiranë, ndërsa sot ambasadorja amerikane ka publikuar foto me përfituesen e parë të vizave me kohë të gjatë.

“Viza e parë 10-vjeçare për udhëtarët shqiptarë u dha këtë mëngjes”, shkruan znj. Kim.

Ambasada amerikanë thotë se vizat e reja turistike dhe biznesi do të zgjaten nga 3 vjet në 10 vjet, gjë që do të thotë se vizat turistike dhe të biznesit të dhëna pas ditës së sotme, do të jenë të vlefshme për udhëtime deri në vitin 2032.

It may be April Fools’ Day, but this is no joke! April 1 marks the 1st day of the #10YearVisaValidity for 🇦🇱receiving 🇺🇸tourist & business visas. This morning, @USAmbAlbania Kim greeted the 🇦🇱applicant who was issued the 1st ever 🇺🇸visa valid for 10 years: https://t.co/B5rLl8Bk2s pic.twitter.com/FRhUmf2fWS

— USEmbassyTirana (@USEmbassyTirana) April 1, 2022

Kryeministri Rama thotë se vendimi është “shprehje kuptimplotë e rritjes së shumëfishtë të bashkëpunimit pas firmosjes së Deklaratës së Partneritetit Strategjik” me SHBA.

Zv.konsullja e SHBA për Shqipërinë Krystal Overmyer u shpreh për Euronews Albania se në vitin 2019 janë dhënë 11 mijë viza amerikane për shqiptarët nga 5 mijë në vitin 2014.

Ajo sqaroi se se zgjatja e vlefshmëria së vizave amerikane me 10 vjet, nuk nënkupton që shqiptaret mund të qëndrojnë në SHBA për 10 vite, por që mund ta përdorin vizën për këtë periudhë duke qëndruar me kohë të pjesshme në Amerikë.

LEXONI GJITHASHTU:

• SHBA zgjat vlefshmërinë e vizave deri në 10 vjet
• Zv.konsullja e SHBA: Aplikimet për viza amerikane janë rritur me 60%