Personi me inicialet P. F. alias P. Xh., 49 vjeç dhe E. H., 20 vjeç, të dy banues në fshatin Dërmenas janë arrestuar këtë të premte në Fier në kuadër të operacionit “Sundimi i ligjit”
Ata lëviznin me automjet, të armatosur dhe me doza cannabisi gati për shitje.
Gjatë kontrollit të policisë atyre u është sekuestruar arma e zjarrit pistoletë, 170 fishekë të kalibrave të ndryshëm, dhjetëra doza cannabis, 2 celularë dhe automjeti.
Materialet procedurale i kaluan Prokurorisë, për veprime të mëtejshme.
“Si rezultat i administrimit të shpejtë të informacioneve të inteligjencës policore, të siguruara në kuadër të megaoperacionit “Sundimi i ligjit”, se 2 shtetas lëviznin të armatosur dhe me doza cannabisi me vete, të gatshme për shitje, Komisariati i Policisë Fier, në aksin rrugor “Pojan-Dërmenas”, ndaloi për kontroll, automjetin që drejtonte shtetasi P. F. alias P. Xh. dhe ku ishte pasagjer E. H.. Gjatë kontrollit në këtë automjet u gjetën 1 armë zjarri pistoletë, 170 fishekë të kalibrave të ndryshëm dhe dhjetëra doza cannabis gati për shitje.
Në përfundim të veprimeve procedurale, Sektori për Hetimin e Narkotikëve i DVP Fier vuri në pranga shtetasit P. F. alias P. Xh., 49 vjeç dhe E. H., 20 vjeç, të dy banues në fshatin Dërmenas, për veprat penale “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe i municionit”, të kryera në bashkëpunim”,-thuhet në njoftimin e policisë.
LEXONI GJITHASHTU:
- Trump thotë se nuk ka folur me Netanyahun që nga fundi i korrikut
- Kolonët izraelitë djegin shtëpi e vetura në fshatin palestinez në Bregun Perëndimor
