Lëvizte i armatosur me pistoletë, vendoset në pranga 22-vjeçari në Tiranë

Policia e Tiranës ka finalizuar një tjetër operacion në kuadër të luftës kundër mbajtjes pa leje të armëve të zjarrit, duke vënë në pranga një 22-vjeçar në fshatin Krrabë.

Operacioni i koduar “Village”, i zhvilluar nga Komisariati i Policisë Nr. 1, u organizua pas administrimit të një informacioni të siguruar në rrugë operative, që çoi në lokalizimin dhe ndalimin e të riut me iniciale R. Rr.

Gjatë kontrollit fizik, në çantën e tij u gjet një armë zjarri tip pistoletë me municion luftarak, të cilën e mbante pa leje. Sipas policisë, sapo ka vërejtur shërbimet policore, i riu ka tentuar të largohet, por është kapur falë ndërhyrjes së shpejtë të forcave të rendit.

Materialet procedurale i janë referuar tashmë Prokurorisë së Tiranës, ndërsa vijojnë hetimet për të zbardhur nëse i riu ka lidhje me ngjarje të tjera kriminale apo individë të përfshirë në aktivitete të jashtëligjshme.

LEXONI GJITHASHTU:

• Kapen të armatosur me pistoletë, arrestohen dy persona në Tiranë
• Përmbyset automjeti në Shkodër, pasagjeri sillet me helikopter te Trauma në Tiranë