Lezhë/ Shisnin lëndë narkotike, 2 të arrestuar një në procedim penal

Policia ka kapur në flagrancë tre persona, pasi në fshatin Balldre, Lezhë, shisnin lëndë narkotike të ndara në doza.

Sipas raportimeve, janë arrestuar dy persona L. M., 36 vjeç, dhe A. N., 19 vjeç, banues në Laç, për veprën penale “Prodhimi dhe shitja e lëndëve narkotike”, ndërkohë nisi procedimi penal për shtetasin tjetër, 17 vjeç, për të njëjtën vepër penale.

Policia ka bërë të ditur se: “Gjatë kontrolleve në terren, specialistët për Hetimin e Narkotikëve, në bashkëpunim me shërbimet e Forcës së Posaçme “Shqiponja”, bazuar në të dhënat e siguruara në rrugë operative, kanë lokalizuar në fshatin Balldre, një automjet me të cilin dyshohej se qarkullonin shtetas që shisnin lëndë narkotike. Gjatë kontrollit në automjet tip “Volkswagen” dhe kontrollit fizik ndaj 3 shtetasve që qarkullonin me të, shërbimet e Policisë gjetën doza të lëndëve të dyshuara narkotike kokainë dhe kanabis”, thuhet në njoftimin e policisë.

Ndërkohë, gjatë kontrollit në banesën e shtetasit L. M., u gjet një sasi lënde e dyshuar narkotike kanabis, e cila u sekuestrua në cilësinë e provës materiale sëbashku me automjeti dhe 3 celularë.

Materialet procedurale i janë referuar Prokurorisë pranë Gjykatës së Shkallës së Parë Lezhë, për veprime të mëtejshme.

LEXONI GJITHASHTU:

• EMRI/ Zbulohet ambienti i improvizuar për drogë në Mukje, në pranga 42-vjeçari
• Goditi me grusht policin e burgut në Fier, arrestohet në Tiranë 32-vjeçari