Liberalizimi i vizave lidhet me sistemin ETIAS? Von der Leyen flet nga Prishtina

Presidentja e Komisionit Evropian, Ursula von der Leyen thotë se procesi i liberalizimit të vizave për Kosovën nuk lidhet me funksionalizimin e sistemit për siguri në Evropë, ETIAS.

Në konferencën e përbashkët për shtyp në Prishtinë me Presidenten e Kosovës, Vjosa Osmani, von der Leyen u shpreh se teknikisht janë përmbushur kriteret për liberalizimin e vizave.

Von der Leyen nënvizoi se do të bëjë çmos që të bindë Këshillin Evropian për të miratuar liberalizimin e vizave për Kosovën.

“Sa i takon liberalizimit të vizave, Kosova i ka plotësuar standardet e nevojshme. Në aspektin teknik janë plotësuar të gjitha standardet për të. Komisioni është plotësisht në anën tuaj. Do bëjmë çmos që ta bindim të gjithë Këshillin që kjo temë të adresohet shumë shpejt në mënyrë konstruktive.

Sa i përket ETIAS, është i pavarur nga ky proces. Ne do të kërkojmë përmes këtij instrumenti teknik që ata që futen në BE, të aplikojnë përmes këtij sistemi i cili do jetë i pavarur nga kriteret për vizat”, theksoi ajo.

LEXONI GJITHASHTU

• Ursula von der Leyen në Prishtinë: Evropa nuk është e plotë pa Kosovën
• Presidentja e Komisionit Evropian, Ursula von der Leyen viziton sot Kosovën
• Von der Leyen në Shkup: Përpjekjet për integrimin evropian po japin frytet e tyre