Libia frikë nga epidemia, izolohen zonat e shkatërruara nga përmbytjet

Zonat e shkatërrua nga përmbytjet janë izoluar nga autoritetet në Libi për shkak të frikës së përhapjes së sëmundjeve.

Janë të paktën rreth 11,500 persona që kanë gjetur vdekjen pas shkatërrimit të dy digave si pasojë e stuhisë që goditi zonën e Dernës. Mbi 10 mijë njerëz rezultojnë ende të zhdukur.

Tashmë autoritetet i frikësohen përhapjes së një epidemie.

“Ekziston rreziku që të kemi sëmundje të transmetuara, sidomos kur uji nuk qarkullon, por ky rrezik nuk shkaktohet nga trupat e pajetë që mund të jenë në rrugë. Nuk ka rrezik të kontaminimit të ujit nga trupat e pajetë, por mund të keni sëmundje të tjera, si kolera, kjo po mund të ndodhë”, thotë Yann Fridez, shefi i delegacionit të KNKK-së në Libi.

Dy digat e shkatërruara ishin ndërtuar në mesin e viteve 70 nga një kompani e Ish-Jugosllavisë, ndërkohë që mirëmbajtja e tyre nuk ishte realizuar siç duhet që prej vitit 2002.

Autoritetet paralajmërojnë se numri i viktimave të kësaj tragjedie mund të arrijë në mbi 20 mijë.

LEXONI GJITHASHTU:

• Grupet e ndihmës paralajmërojnë për rrezikun e përhapjes së sëmundjeve në Libi
• OKB: Libia ka nevojë për pajisje për të gjetur personat që kanë mbetur nën rrënoja