Lideri europian që ende s’ka mbërritur në samitin BE-Ballkani Perëndimor

Presidenti i Francës, Emmanuel Macron nuk ka mbërritur ende në aeroportin e Rinasit për të marrë pjesë në samitin e BE-së me Ballkanin Perëndimor.

Pritet që Macron bashkë me delegacionin të mbërrijnë nga minuta në minutë në aeroportin e Rinasit.

Sapo janë nisur nga aeroporti i Rinasit drejt Tiranës  delegacioni i Sllovenisë, Greqisë, Luksemburgut dhe ai i Çekisë.

Situata në aeroportin e Rinasit paraqitet e qetë. Nuk ka pasur një pezullim apo vonesë të fluturimeve për qytetarët.

Në këtë samit, pritet të jenë të pranishëm 27 liderë evropianë, shoqëruar nga delegacionet përkatëse.

Ndërkohë, krahas samitit sot në kryeqytet do të zhvillohet një protestë, e thirrur nga Partia Demokratike.

Kreu i kësaj force politike, Sali Berisha ka thënë se protesta do të mbahet në orën 12:00 para Kryeministrisë.

LEXONI GJITHASHTU:

• Samiti BE-Ballkani Perëndimor, firmoset marrëveshja për ‘Roaming’ mes liderëve
• Presidenti i KiE-së: Sot në Tiranë nënshkruajmë një marrëveshje për tarifat roaming
• Liberalizimi i vizave, Osmani: BE-ja të lëvizë nga fjalët në vepra