Ashtu si marrëveshja për portin e Durrësit apo ligji për hapjen e dosjeve, kreu i grupit parlamentar demokrat, Enkelejd Alibeaj akuzon mazhorancën socialiste se po përpiqet të kalojë sërish akte dhe projektligje të rëndësishme në mesnatë dhe jashtë vëmendjes së publikut.

Nxitimi për të kaluar mbi 15 projektligje në një seancë të vetme plenare, atë të 22 dhjetorit, e cila është parashikuar të jetë edhe e fundit për këtë vit, sipas Alibeajt është taktikë për mos t’u dhënë deputetëve kohën e mjaftueshme për t’i shqyrtuar.

Në konferencën e kryetarëve, Alibeaj ka kërkuar që veç seancës së 22 dhjetorit, të parashikohet një tjetër seancë plenare për shkak të volumit të madh të çështjeve që duhen shqyrtuar.

LEXONI GJITHASHTU:

• Berisha sulmon Yuri Kim: Po mbron dështimin e reformës së Soros-it
• Berisha: Rama po asgjëson SPAK-un duke kërkuar Kondilin