Berisha sulmon Yuri Kim: Po mbron dështimin e reformës së Soros-it

Kreu i Partisë Demokratike, Sali Berisha u shpreh në një konferencë për mediat se ambasadorja amerikane Yuri Kim po mbron minimalisht dështimin e reformës së Soros-it.

Për reformën në drejtësi, Berisha tha se Kim po mbron ‘mashtrimet që i ka bërë shefave të vet, ajo mbron veten sepse ka përdorur korrupsionin për të luftuar antikorrupsionin në Shqipëri’.

Deklarata e Berishës:

“Çfarë qëndron në themelin e betejës së Yuri Kim? Unë ju ftoj të lexoni, nuk gjeni sot në planet një vend të dytë, dhe unë kam bërë kërkime, nuk gjendet një vend të dytë ku një ambasadore të sillet siç sillet guvernatorja në Tiranë. Çfarë kujtoni se mbron ajo? Mbron në minumim dështimin e reformës së Sorosit në Shqipëri. Por mundet edhe më shumë.

Ajo mbron mashtrimet që i ka bërë shefave të vet, ajo mbron veten sepse ka përdorur korrupsionin për të luftuar antikorrupsionin në Shqipëri.

Ndaj dhe ajo nuk njeh kufi, ndaj edhe sillet. Po pse sillet në këtë mënyrë? Sepse e ka peng me dosjen Edi Rama.

Nuk ndodh kurrë në botë kjo. Nuk kam lexuar kurrë që në mënyrë kaq të paskrupullt, kaq jodinjitoze, kaq fyese për një popull dhe vend sovran, të sillet një përfaqësuese e vendit që konsiderohet partneri strategjik më i rëndësishëm.

LEXONI GJITHASHTU:

• Denoncimi i Berishës: Rama e konsideron Helidon Bendon spiun të amerikanëve
• Berisha: Drejtuesi i SHISH ka marrë urdhër që të mos komunikojë me partnerët
• “S’jemi palë me qeverinë”, ndërtuesit: Kërkojmë kushtetutshmërinë e akteve ligjore