Berisha: Drejtuesi i SHISH ka marrë urdhër që të mos komunikojë me partnerët

Kreu i Partisë Demokratike, Sali Berisha ka deklaruar se drejtuesi i SHISH, Helidon Bendo ka marrë urdhër që të mos komunikojë me partnerët.

Berisha u shpreh në një konferencë për mediat se porosia është dhënë nga kryeministri Edi Rama.

Fjala e Berishës:

Unë ju kam informuar që Kanushi që ka dërguar Edi Rama nga enturazhi i tij më i ngushtë, nuk ka punuar një ditë të vetme. Nuk ka qenë as informator. Dhe merr shërbimin si një militant i verbër. Me dy porosi, e para që do lartësohesh në detyrë nëse nuk komunikon me partnerët. Është absolutisht e vërtetë kjo. Nuk ka ndodhur kurrë, një porosi e tillë nuk është dhënë kurrë.

Pa komunikim me partnerët, shërbimi është larg çdo mundësie për të përmbushur objektivat e tij për sigurinë kombëtare.

Shërbimi informativ nuk ka fuqi imponimi të ligjit. Është thjesht mbledhës informacioni, sepse të atillë e ka përcaktuar ligjvënësi.

Edi Rama u kërkon që çdo bashkëpunim me shërbimet partnere, të kalojë direkt nga Edi Rama. Po sikur të na e çojë në Beograd këtë bashkëpunim Edi Rama?

LEXONI GJITHASHTU:

• Policia hyn në galeri për të shpëtuar gruan pa ndjenja, rezulton se ishte skulpturë
• “S’jemi palë me qeverinë”, ndërtuesit: Kërkojmë kushtetutshmërinë e akteve ligjore
• “Kam shumë dosje nën hetim”, Altin Dumani shpalos platformën për kreun e SPAK