Lindita Nikolla për Ramën: Debate të forta pavarësisht bashkëpunimit maksimal

Kryetarja e Kuvendit Lindita Nikolla tregoi për Euronews Albania se me kryeministrin Rama pavarësisht bashkëpunimit maksimal kanë pasur dhe debate të forta.

Ajo u shpreh se për shumë nga reformat e sistemit arsimor nuk ka qenë dakord dhe ka pasur mospërputhje me Ramën.

“Vendimmarrja për të mbyllur universitetet ka qenë një debat i fortë në kuptimin sa do ishte numri i studentëve që do të prekeshin. Ishin mijëra student të regjistruar në ato universitete. Po kështu me tekstet e reja. Ka qenë një moment kur mendohej të futej vetëm një tekst në sistemin universitar, të mos kishim tre alternativa, por vetëm një tekst,” – tregoi Nikolla.

Ndërkohë sa i takon komisioneve parlamentare Nikolla sqaroi se do të zhvillohen online si sugjerim i Komitetit të Ekspertëve.

Sidoqoftë kryetarja e Kuvendit tha se çështja do të shihet në dinamikë dhe nuk është një vendim i prerë.

LEXONI GJITHASHTU: 

• Grisja e fletëve të votimit në Kuvend, Lindita Nikolla: U ndjeva keq, se prisja nga Açka
• ‘PS të mos sillet si triumfatore’, Lindita Nikolla: Do jem avokate e mirë e opozitës
• Lindita Nikolla tregon pengun më të madh nga koha kur ishte ministre e Arsimit