Liri për të udhëtuar në BE, nga sot vendet anëtare duhet të heqin gradualisht kufizimet anti-covid

Duke nisur nga dita e sotme vendet anëtare të Bashkimit Europian duhet të heqin gradualisht kufizimet e udhëtimit për të gjithë shtetasit, të cilët vijnë nga vendet jo anëtare të unionit.

Në listën e përditësuar nga Këshilli Evropian si vende te sigurta, janë edhe Shqipëria, Maqedonia e Veriut dhe Serbia.

Ndërsa, ministria gjermane e Punëve të Brendshme bën me dije se duke filluar nga 25 qershori, shtetasit nga vendet jashtë Bashkimit Evropian do të lejohen të hyjnë sërish në Gjermani pa qenë nevoja të justifikojnë shkakun e udhëtimit.

Shtetasit nga këto vende mund të hyjnë në Gjermani edhe si turistë, por duhet të jenë plotësisht të vaksinuar.

“Sigurisht kalimi do të bëhet nëse plotësohen kërkesat e përgjithshme ligjore për qëndrim”, thuhet në njoftimin e ministrisë, e cila specifikon se qytetarët duhet të jenë të vaksinuar me vaksinat e miratuara nga EMA.

Ambasadorët ranë dakord dy ditë më parë për të lejuar shtetasit shqiptarë, serbë dhe maqedonas të udhëtojnë në vendet e unionit.

Sidoqoftë, në varësi të politikës së secilit shtet, ata ende mund të kërkojnë një test negativ PCR ose karantinë për qytetarët që vijnë nga këto shtete të Ballkanit Perëndimor e jo vetëm.

LEXONI GJITHASHTU:

Të përdoren të gjitha vaksinat e autorizuara, thotë Agjencia Europiane e Barnave

Bashkimi Europian heq kufizimet e udhëtimeve për Shqipërinë