“Liria ka emër” – Rama jehonë protestës në mbështetje të ish-krerëve të UÇK në Hagë

Kryeministri Edi Rama ka reaguar në lidhje me protestën që do të mbahet sot në Hagë, ku qytetarë e veteranë të luftës do të mbajnë në mbështetjes të ish-krerëve të UÇK që po gjykohen për krime lufte prej 3 vjetësh

“Liria ka emër. Me zemër e mendje jam edhe unë atje sot Komandant. Liri për çlirimtarët”, shkruan Rama në Facebook.

Protesta pritet të nisë në orën 14:00 dhe nuk do të mbahet para ndërtesës së Gjykatës Speciale, sepse kjo nuk është lejuar për shkaqe të sigurisë, por vetëm në afërsi të saj.

Protestuesit që janë ish-luftëtarë e qytetarë të tjerë nga vende të ndryshme të botës tashmë kanë përgatitur pankartat përmes së cilave do të përcjellin mesazhet e tyre.

Të gjitha mesazhet do të jenë në gjuhën angleze pasi që ato janë të dedikuara për Gjykatën Speciale që është më staf tërësisht ndërkombëtar, dhe Bashkimin Evropian si financues i këtij institucioni. Disa autobusë janë nisur edhe nga Kosova.

LEXONI GJITHASHTU:

• Ish-krerët e UÇK-së përballen me drejtësinë, diaspora shqiptare proteston në Hagë
• Sot protestë në Hagë, kërkohet drejtësi për ish-krerët e UÇK-së
• Njoftohet nga diaspora dhe veteranët e UÇK-së protestë masive në Hagë