Lirimi i Belerit nga burgu, Petro Gjikuria: Një ditë që do të festohet në Himarë

Ditën e sotme Fredi Beleri është liruar nga burgu, pas një vendimi të Gjykatës së Fierit që vendosi t’a mundësojë lirinë 6 javë para përfundimit të dënimit.

Në pritje të Belerit teksa la qelinë ka qenë edhe ish-kandidati i opozitës për kryebashkiak të Himarës, Petro Gjikuria.

Në një intervistë për Euronews Albania, Gjikuria tha se lirimi i Belerit është një ditë e mirë që do të festohet nga himariotët.

Ai tha gjithashtu se Beleri si eurodeputet do të ngrejë zërin në Parlamentin Europian për problematikat në Himarë.

“Kjo është një ditë që do festohet në Himarë. Për 15 muaj Beleri ishte pas hekurave. Unë nuk jam as avokat e as gjyqtar. Por mendoj se Gjykata mori vendimin e duhur, pak i vonuar, por mendoj që të gjithë himariotët do e mbështesin.

Një njeri që mori 4 mijë vota, duhet respektuar. Është kryebashkiaku i zgjedhur i Himarës. Nëse mbani mend ato që ka thënë Beleri, ai ka thënë se donte të ishte kryetari i Himarës dhe jo eurodeputet.

Por erdhën gjërat siç erdhën dhe ai do ngrërë zërin për Himarës si eurodeputet. Edhe unë do ngre zërin në Amerikë. Nuk kam folur me Tavon, por ato problemet e vogla që u panë në zgjedhje, ato duhen deklaruar. Populli duhet të dijë për të”, tha Gjikuria.

LEXONI GJITHASHTU:

• Fredi Beleri del nga burgu, shkëmben përqafim me të birin! Pritet edhe nga Gjikuria
• Gjykata e Fierit liron nga burgu Fredi Belerin