Lirohen 3 policët e arrestuar në Veri në Kosovës

Tre zyrtarët policorë të Kosovës, të arrestuar nga autoritetet serbe më 14 qershor në Veri janë liruar.

Sekretari i Parë i Zyrës Ndërlidhëse të Kosovës në Beograd, Fatmir Haxholli, ka thënë të hënën se tre zyrtarët kanë dalë të hënën para një gjykate në Kralevë, shkruan REL.

Atyre u është caktuar masa e paraburgimit më 16 qershor, por nuk është ditur kohëzgjatja.

Prishtina ka pretenduar se ata janë kidnapuar nga territori i Kosovës, derisa Beogradi ka deklaruar se ata janë arrestuar në territorin serb.

“Çdo sekondë i humbur deri në kthimin e tyre në Republikën e Kosovës, në krye të detyrave, konstituon një impuls dhe sjellje joracionale, me qëllim kamuflimin e një akti bizar”, ka thënë Haxholli përmes një postimi në Facebook.

Sipas autoriteteve serbe, ata dyshohet se kanë kryer veprën penale: prodhim, posedim, mbajtje dhe trafikim i paligjshëm i armëve dhe lëndëve plasëse, e cila bart dënimin deri në 12 vjet burg.

Komuniteti ndërkombëtar ka kërkuar lirimin e tyre pa kushte.

LEXONI GJITHASHTU:

• Vuçiç: Kemi prova për 3 policët e Kosovës, nuk shpëtojnë pa aktakuzë
• Vuçiç: Piku i tensioneve në Veri s’ka ardhur ende, Kurti do luftë