Lita: Gjatë atentatit në Rinas kishte policë, por nuk ndërhynë

Gazetari Lavdrim Lita tha në emisionin Now në Euronews Albania se gjatë atentatit të ndodhur një ditë më parë në rrethrrotullimin e Rinasit ku mbeti i vrarë Gilmando Dani dhe u plagos rëndë miku i tij Mustafa Sheqeri ka pasur efektivë policie të pranishëm por që nuk kanë ndërhyrë.

Sipas tij, policia i ka të gjitha mjete dhe strukturat për ta zbardhur ngjarjen, sidomos nëse është kapur, siç pretendohet informatori i vrasësve.

‘Policia i di të gjitha, po a ka vullnet për të bërë diçka? Aty ka pasur policë, por pse nuk shkuan? Ka shumë fjalë që policia shitet blihet. Ka pasur edhe aty rreth e qark policë që mund të ndërhynin, kanë thënë do in kapim më vonë, ka forca RENEA, kanë parë punën e tyre. Policia ka përvojë, struktura dhe mjete për ta zbardhur në tërësi ngjarjen dhe nëse është e vërtetë që është kapur informatori që ka lajmëruiar për hyrje-daljet, aty bëhet më e thjeshtë pasi përgjohen lëvizjet e tij kohët e fundit, me kë është takuar me kë ka folur, shkohet në invers dhe gjendet i gjithë grupi’, tha Lita.

LEXONI GJITHASHTU:

• Gazetari: Lëvizjet e njërit prej atentatorëve tregojnë eksperiencë disa­vjeçare
• Atentati në Rinas/ Ministrja Koçiu thërret drejtorin e AMP-së Eduart Merkaj