Protesta e Opozitës mes marshimit dhe molotovëve në Tiranë! “Pushtohet” nga flakët Vila e Enverit

Gjatë protestës së opozitës, tensionet u përshkallëzuan pranë Vila e Enver Hoxhës, ku u hodhën shishe molotovi drejt godinës.

Si pasojë, objekti u përfshi nga flakët, ndërsa tymi i zi u pa në të gjithë zonën përreth.

Deri tani nuk raportohet për persona të lënduar, sipas raportimeve ka njerëz brenda

Kryeministri Edi Rama ka reaguar për protestën e opozitës përmes një mesazhi në Twitter, duke deklaruar se ndërsa Shqipëria është rreshtuar me botën e lirë kundër mullahëve të Teheranit, opozita shqiptare proteston me plehra kundër qytetarëve të Tiranës.

“Shqipëria me botën e lirë kundër mullahëve të Teheranit, opozita shqiptare me plehrat kundër qytetarëve të Tiranës”, shkruan Rama.

Protestuesit e opozitës vijojnë protestën pranë Drejtorisë së Policisë në rrugën e Unazës. Shihet se protestuesit janë bllokuar nga policia gjatë marshimit të tyre. Ka pasur një përplasje verbale mes protestuesve dhe forcave të rendit.

Raportohet se protestuesit kanë tentuar të shtyjnë kordonin policor, ndërsa policia ka përdorur ujë për t’i shpërndarë.

Situata vazhdon të jetë e tensionuar, ndërsa grupi i protestuesve po qëndron ende në vendngjarje, duke kërkuar të vazhdojë marshimi drejt institucioneve përkatëse.

Sali Berisha, kreu i Partia Demokratike, ndaloi për të folur me gazetarët gjatë marshimit të protestës së opozitës drejt Drejtorisë së Përgjithshme të Policisë sot. Ai komentoi qëllimin e protestës dhe arsyen e marshimit drejt institucioneve të policisë.

Berisha tha se marshimi i revoltës në rrugët e Tiranës synon të shprehë zemërimin popullor ndaj kreut të organizatës kriminale.

“Për ti thënë Edi Ramës, jo një lubi, por edhe 30 lubi, po t’i largosh, do të jesh ti objekti kryesor. Do të jetë Edi Rama dhe vetëm Edi Rama çështja kryesore e betejës sonë. Ai është gjeneratori i të gjitha të këqijave të lidhura me regjimin e tij. Largimi i njërit apo tjetrit nuk e zgjidh problemin; aty është edhe një nga kryebanditët e narko-shtetit, Ilir Proda. Revolta shkon drejt tij; sa ka të ardhme Edi Rama, aq ka edhe Proda.”-tha Rama

Protestuesit e Partisë Demokratike kanë nisur një marshim drejt Drejtorisë së Përgjithshme të Policisë. Gjatë kalimit në Unazën e Tiranës, disa nga pjesëmarrësit kanë hedhur molotov, në disa kosha mbeturinash, duke shkaktuar zjarr.

Gjatë marshimit po dëgjohen shpërthime të shpeshta të molotovëve, të cilët po hidhen përgjatë itinerarit nga Piramida drejt Drejtorisë së Përgjithshme të Policisë.

Protestuesit kanë marrë udhëzimet e para dhe po përgatiten të nisen drejt ambienteve të drejtorisë së policisë, duke intensifikuar prezencën e tyre në rrugët kryesore të kryeqytetit.

Në nisjen e protestës së opozitës pas mbërritjes së kreut të PD-së, Sali Berisha, tubimi është hapur me himnin kombëtar. Më pas ka folur moderatori i tubimit, i cili mes ovacioneve ka deklaruar se “sot Tirana është e juaja, Rama në burg”.

Në nisje të protestës së opozitës, pas mbërritjes së kreut të PD-së, Sali Berisha, tubimi u hap me himnin kombëtar.

Më pas foli edhe moderatori i ngjarjes, i cili, ndërsa nxiste ovacionet e pjesëmarrësve, tha mes të tjerash: “Sot Tirana është e juaja, Rama në burg.”

Më pas protestuesit kanë vijuar me thirrjet “Rama ik”.

Policia ka dislokuar forca pranë selisë së Partisë Socialiste këtë të shtunë, në kuadër të masave për protestën kombëtare të opozitës.

Po ashtu, siç shihet nga pamjet e Euronews, forca policore janë vendosur edhe pranë Ministrisë së Punëve të Brendshme dhe Ministrisë së Infrastrukturës dhe Energjisë.