Gara për Durrësin, Barometri Politik publikon rezultatet e sondazhit zgjedhor | 25 mars 2021

Barometri Politik publikoi mbrëmjen e sotme rezultatet e sondazhit të kompanisë MRB në bashkëpunim me Euronews Albania lidhur me opinionin e qytetarëve të Bashkisë Durrës, Shijak dhe Kavajë për zgjedhjet e 25 prillit.

Temat kryesore të analizuara nga paneli i ftuarve ishin menaxhimi i situatës pas tërmetit, mendimi i qytetarëve për figurat kryesore politike, prirja e votës dhe ndarja e mandateve në qarkun e Durrësit.

Gjetjet kryesore:

• 60.6% e të anketuarve dhanë një vlerësim pozitiv për qeverinë socialiste në mënyrën si menaxhoi pasojat e tërmetit të 26 nëntorit, ndërsa 39.4% e tyre negativisht. (Lexoni lajmin)
• Nëse zgjedhjet do të mbaheshin këtë të diel, qarku i Durrësit do të votonte në këtë mënyrë: 43.3% e votuesve të anketuar do të votonin për Partinë Socialiste, 36.9% do të votonin për Partinë Demokratike dhe 5.4% do të votonin për Lëvizjen Socialiste për Integrim, ndërsa 2.5% e tyre do të votonin partitë e tjera. (Lexoni lajmin)
• Preferenca për kryeministrin, Basha dhe PD performon më mirë në Durrës në krahasim me veten në nivel kombëtar. (Lexoni lajmin)
• Nëse zgjedhjet parlamentare do të mbaheshin sot, Qarku i Durrësit do të ishte një fushëbetejë e fortë mes Partisë Socialiste dhe asaj Demokratike. (Lexoni lajmin)

Sondazhi i plotë:

Design by Euronews Balkans