Shqipëria e përcjell vitin 2020 mbyllur në shtëpi, 2021 viti i shpresës

Viti i Ri u mirëprit si tradicionalisht me shpërthime fishekzjarresh në kryeqytetin shqiptar dhe qendrat europiane, por pandemia COVID-19 i ka detyruar njerëzit të festonin të mbyllur në shtëpi.

Masat e shtetrrethimit të ndërmarra për kufizimin e infeksionit që nxorri nga binarët e normalitetit vitin që lamë pas, duket se kanë ngjallur një mori reagimesh shprese për vitin pasues.

Me sytë nga shkenca për të gjetur një zgjidhje të qëndrueshme për luftën ndaj virusit, dhe me kërkesat në rritje për politika lokale që menaxhojnë me efikasitet kushtet e pandemisë, njerëzimi pret që viti 2021 të jetë një vit më i mirë për të gjithë ne.