Liverpool shuplakë në FA Cup, eliminohet nga ekipi surprizë

Skuadra më në formë në kontinentin e vjetër ka marrë një shuplakë në Kupën e Anglisë. Liverpool u eliminua nga FA Cup pasi u mposht nga Plymouth, skuadër që garon në Championship, madje rrezikon rënien një kategori më poshtë. Një transfertë që në letër ishte e papërfillshme për të besuarit e Arne Slot që eksperimentoi, por në fund mori faturën e kripur. Pjesa e parë nuk prodhoi gola, por në të dytën, vendësit arritën të reagojnë mirë, duke shënuar me anë të një 11-metërshi i kthyer në gol nga Hardie. 1-0 për Plymouth që avancon në fazën e 1/8-ave.

Tottenham po ashtu është një tjetër skuadër që i dha lamtumirën garës, duke u mposhtur 2-1 nga Aston Villa. Të besuarit e Postecoglu pësuan që në nisje, ku Ramsey zhbllokoi shifrat. Në fraksionin e dytë ishte Rogers që realizoi golin e sigurisë, ndërsa në limite Mathijs Tel ngushtoi diferencën, por 2-1 për Aston Villan.

Sa i përket kësaj faze të garës, mbeten dhe 2 duele të tjera për t’u luajtur.