Lorik Cana i del në krah Hysajt: Ai po më kalon mua! Edhe unë kam bërë gabime

Ish-kapiteni i kombëtares, Lorik Cana tha në “Now me Erla Mëhillin” në Euronews Albania se do kishte dashur të ishte në fushë në përballjen e Shqipërisë me Kroacinë, ku kuqezinjtë barazuan 2-2 përballë një nga skuadrave më të fuqishme.

Ndër të tjera ai komentoi edhe kritikat që ia janë bërë Elseid Hysajt që pas ndeshjes me Italinë, ku kombëtarja u mposht 2 me 1.

Cana tha se edhe ai vetë ka bërë gabime, ndaj sipas tij i gjithë kryqëzimi që i është bërë Hysajt në rrjet është i gabuar.

“nuk e meriton këtë sulm. Këta djem po sjellin qindra-mijëra shqiptarë në këtë kampionat. Në momentin që ata bëjnë këtë sakrificë, nuk e di, po flasin për Hysën pas pak kohësh po më kalon mua nëpërmjet ndeshjeve. të rikthehemi në tokë për çfarë po flasim.

Gabime kam bërë edhe unë, kanë bërë e të tjerët. Këtu duhet të jesh në momentin e duhur në gjendjen e duhur. Ai djalë ka dhënë shumë kontribute. Kritika mund të qëndrojë, por duhet të mbështeten deri në fund”,-tha Lorik Cana.

LEXONI GJITHASHTU:

• “Ishte super ndeshje”, Lorik Cana: Hajdeni me këmbë në tokë, gabimet e Silvinjos…
• A do ta mundim Spanjën? Lorik Cana: Shanset që ta kalojmë grupin