Lorik Cana merr titullin Kalorës i Urdhrit të Skënderbeut, kush janë personalitet e dekoruara nga Begaj

Nën moton “Përmes rrënjëve lartësohemi” për 3 ditë përfaqësues të diasporës shqiptare por edhe politikanë nga trevat shqipfolëse do të bëhen bashkë në samitin që do të mbahet në Tiranë në datat 13, 14 dhe 15 prill.

Në ceremoninë e mirëseardhjes, e cila u zhvillua në Teatrin Kombëtar të Operas dhe Baletit, morën pjesë Presidenti Bajram Begaj, Kryeministri Edi Rama, krerë të komuniteteve fetare, ministra, deputetë, drejtues të institucioneve të shtetit, si dhe personalitete nga të gjitha trevat shqiptare dhe diaspora, duke i dhënë ngjarjes përmasa të një feste të vërtetë kombëtare.

Gjatë ceremonisë presidenti Bajram Begaj, ka dekoruar disa personalitete shqiptare të spikatura në botë, të cilët me punën dhe dijen e tyre kanë dhënë kontribute në fusha të ndryshme në vendet ku jetojnë, duke ngritur lart emrin e shqiptarëve në botë.

Në kuadër të vlerësimeve, u nderuan:

Gentian Toshkëzi, “Kalorës i Urdhrit të Skënderbeut”

Lorik Cana, “Kalorës i Urdhrit të Skënderbeut”

Klarita Gërxhani, “Kalorës i Urdhrit të Lisit Akademik”

Shqiponje Telhaj, “Kalorës i Urdhrit të Lisit Akademik”

Markus Schuhmann, “Oficer i Urdhrit të Skënderbeut”

Anders Lindberg, “Oficer i Urdhrit të Skënderbeut”