Luan Baçi për ndarjen në PD: Lëvizje e Lulzim Bashës, po i shërben Edi Ramës

Deputeti i Partisë Demokratike, Luan Baçi thotë se Lulzim Basha, Enkelejd Alibeaj dhe Gazment Bardhi kanë marrë peng veprimtarinë e kësaj force politike.

Në një intervistë për Euronews Albania, Baçi u shpreh se pasdorëheqjes, Basha ka lënë në PD Alibeajn dhe Bardhin, për të përçarë partinë dhe për t’i shërbyer kryeministrit Edi Rama.

“Tre individë kanë marrë peng të gjithë veprimtarinë e Partisë Demokratike. Asnjë tjetër përveç këtyre nuk mund të kontestoj, se nuk kam fakte që mund të them. Lulzim Basha aty është, është kryesori i kësaj pune, pavarësisht se rri në prapaskenë dhe ka lënë Enkelejd Alibeajn dhe Gazment Bardhin që të bëjë këtë lojë politike të pistë.

Mbledhin një Kryesi që nuk ekziston. Ai ka bërë zëvendësime sipas qejfit dhe e quan Kryesi. Do bëjnë thjesht zhurmë për të prishur punë dhe për t’i thënë Ramës që po i shërbejnë”, theksoi ai.

Seanca në Gjykatën e Apelit ku pritej të shqyrtohej kërkesa e Enkelejd Alibeajt për bashkimin e vendimeve të Kuvendeve të PD të 17 korrikut dhe 18 dhjetorit, është shtyrë.

Pas kërkesës së avokatit të Alibeajt, Indrit Sefa për shtyrjen e seancës, Gjykata e Apelit vendosi që ta shqyrtojë çështjen më 10 nëntor.

LEXONI GJITHASHTU

• Alibeaj nuk ka për të gjetur kandidatë për 61 bashki, thotë Ina Zhupa
• Ina Zhupa: Ndarja e Partisë Demokratike, skenar i parapërgatitur
• Shtyhet vendimi i Apelit për PD