Luan Baçi: Protesta tregon se Edi Rama është minorancë

Deputeti i Partisë Demokratike, Luan Baçi thotë se protesta e sotme e opozitës, tregon se kyeministri Edi Rama është minorancë.

Për Euronews Albania, Baçi u shpreh se protestat nuk do të ndalen deri në rrëzimin e qeverisë.

“Mesazhi është mëse e qartë. Rama duhet të shikojë që kjo protestë tregon që ai është minorancë dhe mazhoranca është këtu në shesh. Është një mesazh shumë i qartë se protestat nuk do të ndalojnë deri në reagimin e tij. Valë protestash, protesta dhe primare, primare dhe protesta ka Partia Demokratike”, theksoi ai.

Berisha dhe funksionarë të tjerë demokratë, nuk kanë përjashtuar asnjë lloj skenari për protestën e sotme.

Në krah të kryedemokratit dhe kreut të Partisë së Lirisë, janë një grup i caktuar deputetësh dhe drejtuesit politikë të qarqeve.

Për mbarëvajtjen e protestës, janë gatishmëri rreth 1000 efektivë policie, teksa disa akse rrugore janë mbyllur që prej orës 15:00.

Shërbimet e rendit do të kenë peshën kryesore, por ka dhe një mobilizim të Forcave Speciale.

Vihet re një numër i lartë qytetarësh, të cilët i janë përgjigjur pozitivisht ftesës së opozitës për të marrë pjesë në protestë. Deri më tani, nuk është shënuar asnjë incident.

LEXONI GJITHASHTU

• Kush janë tre deputetët e Alibeajt që i bashkohen protestës së Berishës
• Bulevardi ndriçohet nga celularët, çfarë po ndodh në protestën e opozitës
• Salianji: Deputetë të Grupit Parlamentar që nuk mbështesin Berishën janë në protestë