Luan Baçi zbulon deputetin afër Alibeajt që mbështet kandidatin e primareve

Deputeti i Partisë Demokratike, Luan Baçi, komentoi nga studio e Euronews Albania situatën në Partinë Demokratike në prag të zgjedhjeve lokale.

Baçi deklaroi se PD-ja e përfqësuar nga Enkelejd Alibeaj nuk po gjen dot kandidatë për t’i nxjerrë në garë në zgjedhjet lokale.

Ai shtoi se në bazë të informacioneve që ka, edhe deputeti Saimir Koreshi ka dalë në mbështetje të kandidatit të primareve për Lushnjën.

“Në Lushnjë nuk gjen dot Alibasha kandidat, deri tani po kërkon, por ia kanë prerë të gjitha strukturat aty. Mua më vjen mirë, nuk e kam dëgjuar vetë, por më kanë thënë se edhe zoti Koreshi është shprehur se do të mbështesë kandidatin e primareve dhe nuk pranojnë kanidat tjetër.

Kjo është për t’u vlerësuar se ai është deputeti i Lushnjës dhe po tha ai që nuk ka kandidat tjetër, nuk ka mundësi Alibasha të caktojë kandidat”, tha Baçi.

Për sa i përket Tiranës, Baçi theksoi se nuk do të ketë demkrat që do të dojë të turpërohet duke garuar për PD-në e Alibeajt.

“Sot në rrjete sociale kam lexuar një emër që Alibasha mund të kandidojë për Tiranën, nuk e fiksova me thënë të drejtën. Ndoshta po mundohet të gjejë një zgjidhje për Tiranën, por nuk besoj se do të ketë ndonjë demokrat i cili do t’i lejojë vetes poshtërimin në zgjedhjet lokale. Poshtërimi dhe turpërimi për burrin është gjëja më e rëndë që mund t’i ndodhë”, tha Baçi.

LEXONI GJITHASHTU:

• “Bashës i mbaron afati në mesnatë”- Celibashi: Ja kur do marrim vendimin për PD-në
• KQZ miraton listën e anëtarëve të KZAZ-ve të Partisë Demokratike
• KQZ kërkoi dokumentacion të plotë për regjistrim, reagon Gazment Bardhi