Mjeku epidemiolog Ilir Alimehmeti ishte këtë të diel i ftuar në “Interview” me Milera Milorin, ku ka folur për një nga ngjarjet që preku jetën e të gjithë njerëzve në mbarë globin, pandemia e covid-19.
Ai tha mjekëve në atë periudhë u duhej të bënin një luftë të dyfishtë si me vetë sëmundjen por edhe me informacionet që shpërndaheshin në të gjithë popullatën të cilat herë ishin të sakta e herë jo.
“Fatkeqësisht ne në profesionin tonë e quajmë atë periudhë aksioni. Është njëlloj si ushtria, ti për atë je përgatitur nuk e shikon si pjesa tjetër e popullatës. Pasi kjo mbaron, ti duhet të nxjerrësh mësimet e të vazhdosh me mendjen që mund të parandalosh diçka tjetër.
Ajo që këtë herë ishte ndryshe ishin rrjetet sociale dhe menaxhimi i kaq shumë informacioni që arrin gjithkënd menjëherë në çdo pjesë të globit.
Kjo ka pasur vështirësi për të menaxhuar të gjithë këtë informacion. Ne kishim fatin se duke pasur mjek shqiptar në të gjithë botën, u krijua një grup në formë spontane që jepnin informacion se çfarë po ndodhte në të gjithë botën në lidhje me këtë pandemi”,-tha Ilir Alimehmeti.
LEXONI GJITHASHTU:
- “Mea culpa” e Erion Braçes: Jam sjellë keq me Jozefina Topallin, i kërkoj ndjesë
- Pse harrojmë më shumë pas Covid 19? Mjeku Ilir Allkja tregon arsyen kryesore
