Luftë e tretë Izrael-Liban? Dyfishohet brenda 1-ore numri i viktimave

Numri i të vdekurve nga sulmet ajrore të Izraelit në Liban ka vazhduar të rritet me shpejtësi.

Reuters raporton se numri i viktimave ka shkuar në 182. Sipas Ministrisë së Shëndetësisë në Liban numri I viktimave është dyfishuar Brenda 1 ore.

Më shumë se 727 persona janë plagosur, duke përfshirë gra, fëmijë dhe mjekë, sipas deklaratës.

Sulmi i Izraelit në jugun e Libanit është më i fuqishmi në gati një vit të përleshjeve me Hezbollahun.

Ushtria izraelite këtë mëngjes u tha banorëve në zonat e Libanit jugor dhe lindor që të evakuonin banesat e tyre, pak para se të përshkallëzonte fushatën ajrore kundër Hezbollahut.

Zëdhënësi i qeverisë izraelite David Mencer ka dhënë përditësime në një konferencë të përditshme për shtyp.

Ai ka anashkaluar pyetjet nëse sulmet e Izraelit ndaj objektivave të Hezbollahut në Liban përbëjnë shpalljen e një lufte.

I pyetur nëse gjendja aktuale e konfliktit mund të quhet “Lufta e Tretë e Libanit”, ai u shpreh se që nga 8 tetori, Hezbollahu “nuk është ndalur, as për një ditë të vetme duke sulmuar Izraelin”.

LEXONI GJITHASHTU:

• Sulmet e Izraelit në Liban, IDF: Kemi vrarë komandatin e lartë të Hezbollahut
• Kryeministri libanez kërkesë komunitetit ndërkombëtar: Ndaloni masakrat izraelite